Price Tag Cover julli Anna

CCleaner Professional Edition v3.19.1721 Full Version

Adobe Photoshop CS4 + No Serial Full Version

IDM v6.07 + No Serial Number Full Version (Internet Download Manager)

Nawn le Thah Cuahmah Kan si Can

By Zasang Cinzah

Bible cang thim: "Nanmah (Khrifa) thah hi Pathian rian tuan a si tiah mi nih an ruah caan a phan lai." John 16: 2

Zumtu aa timi hna, Khrifa a timi hna, nihin kan caan hi thate in ruat tuah usih! Prophets Isaiah, Ezikiel le Daniel tibantuk le a dang dang hna nih an rak chim chungmi Pathian bia vialte cu an tling dih ngawt cang. Jesuh nih vancung a kai lai te ah a zultu hna sinah a chimmi zong a tu hi kan chan ah a cang cuahmah cang. Jesuh nih a zultu hna sinah zeitindah a rak chim? "Khrifami hna thah le nawn hi Pathian riantuan a si tiah mi nih an ruah caan a phan lai"tiah a rak chim. Nihin ah Khrifa thah hi Pathian ruan tuan ah a ruatmi an um cang. Muslim pawl nih Khrifa le Judah mphun thah cu Pathian riantuan pakhat a si i vancung ah laksawng tampi hmuhnak le, vergin nungak 7 co khawhnak a si tiah an ruah. Asi ahcun, Jesuh bia cu a tling cuahmah ko lo maw? Jesuh nih a rak chimmi hi atu kanmah sinah a cang cuahmahmi hi a si ko lo maw? Khrifa tho tuah, i hngilh ti hlah sih! I thangh cang tuah usih!

Bible hi cang khat hnu cang khat, tlap khat hnu tlap khat in kan rel than lengmang in, a sullam pawl hi thate in kan ruat ahcun, Muslim biaknak hi Satan biaknak a si lo maw? Sahrang kan ti lengmangmi hi Muslim biaknak hi an si ko lo maw? 666 number a zuartu le hmailei ah khrifa  a hremtu ding, Rapture hnu ah Khrifabu a hremtu ding hi Muslim an si ko lo maw? timi hi a fiang chin lengmang.

Cucu, zeitindah proof kan tuah lai? Tuanbia hi zoh than hnik usih! Muslim biaknak a sertu "Muhammad" Quran a tialtu hi Jesuh a chuah hnu AD 570 ah a chuak. Mecca khua, Muslim nih Holy city an timi, Saudi Arabia ram ah hin a rak chuak. Muhammad chuahkehnak hi Abraham fapa, Ismael hrintlang a si tiah an ti. Muhammad cu a chuah hlan ah a pa nih a thih tak. Cun, a putar sinah a um. Kum hnih a si ah a nu nih a thih tak rih. Cun, kum 8 a si ah a putar nih a thih rih fawn. Cu hnu ah a pu sinah a thang liammi a si. Kum 25 a si ah kum 40 a si cangmi Khadija nih a thit. Tuanbia ah a tialning ahcun, Muhammad nupi, Khadija cousin hi Khrifa a rak si.

Tuanbia ah a tialning in, Khrifa tampi an karh hnu, AD 610 ah Muhammad nih langhnak a hmuh. Mount Hira timi tlang ahhin, vancungmi Gabriel he an i tong. Gabriel nih cun mithlam (vision) in a sinah bia a chim. Mah a chimhmi cu ca in a tial i, "Quran" tiah an Muslim nih sungsak ngaimi cauk a si.

Khrifa Bible ah Mary sinah a rak lang i, Jesuh a chuahnak ding kong a chimtu cu "Gabriel" a si tiah kan hmuh. Tipil Petu John a chuahnak ding kong a chimtu zong Gabriel thiam a si tiah kan hmuh fawn. A si ahcun, Muslim biaknak a dirhtu Muhammad sinah a rak langmi Gabriel le Mary sinah a rak langmiGabriel hi an i khat kho hnga maw? Ruah awk a herh ngai ngaimi a si.

Bible tuanbia ning in kan zoh ahcun, Muhammad cu Abraham fapa, Ismael hringtlak a si. Ismael cu Abraham sal nu, Ezipt ram in an rak hruaimi, Hagar fapa a si. Abraham cu Pathian nih tefa tampi kan pek i lai i miphun vialte Pa na si lai. Na tefa cu van ah arfi zat le vulei ah thetse zat an si lai tiah bia a kamh ko nain, zei ruang ahdah Hagar hi a ihpi? Abraham nih Hagar a ihpi nak "point" te hi theology ah a biapi taktak mi "point" a si. Muslim, Judaism, le Khrifa kan i dannak hliah a umnak point te cu a si.

Abraham nih Hagar ihpi ding in a fialtu cu a nupi Sarai a si. Sarai thinlung chung ah Hagar fa puaiter ding in rian a tuantu hi Pathian thlarau a si kho hnga maw? Ruat hnik usih! Thingthei ei ding in Eve ruahnak a petu cu Satan a si bantuk in, Hagar nau puaiter ding in Sarai ruahnak a petu hi Satan a si ngaimi a si. Pathian nih cun Abraham sinah tefa ngeih ding in bia a kamh cang. Abraham le Sarai nih cun Pathian bia a tlin dingmi lawng kha an hngah awk a si ko. Nain Sarai nih a hngak kho ti lo. Amah tein tefa ngeihnak khua a khang. Sarai khuakhannak cu Pathian timhmi a si lo zia cu a fapa Isac nih a langhter. A sullm cu Issac chuak hlah sehlaw, Sarai khuakhanmi kha a dik hnga. Nain Issac a rak chuahmi nih Sarai a palhnak kha a langhter. Cucaah, Theological views in kan zoh ahcun, Sarai thinlung ah Hagar naupawi ter ding in ruahnak petu cu Satan a si.

Satan (Lucifar) nih Pathian cu vancung ah a doh. Eden dum zong ah a doh rih. Abraham te chung khar zong ah a doh rih fawn i buainak a chuahter. Satan cu Pathian nih khua a khangmi le aa timhmi vialte hrawh dih ding in a zuam pengmi a si.

Cucaah, ruah hnik u! Zumtu hna, Muslim biaknak a dirhtu Muhammad nupi, a cousin hi Khrifa a si tiah tuanbia ah kan hmuh. Cucaah, Muhammad a chuah hrawng ah hin Khrifa an rak karh  ngai ngai cang ti a lang. Jesuh khri cu BC 4 ah a chuak in tuak usihlaw, a thih hi AD 30 hrawng sisehlaw, Jesuh a thih in Zultu hna nih biatak tein thawngtha an chim. Cun, Jesuh nih Paul cu thawngtha karhter ding in a auh. Cucaah, AD 570 ahcun Khrifa tampi an karh cang lai tinak a si.

Khrifa tampi an karh hnu ah Gabriel nih Muhammad a auh i Muslim biaknak a sermi cu Pathian program a si hrim hrim lo. Mah hi Satan program a si. Vuleicung ah Khrifa an von karh vi ma tikahSatan a thin a phang. Cucaah, "Gabreil" timi min hmang riangmang in Muhamaad cu a auh i Khrifa ram vialte chuh awk ah le, Khrifa biaknak doh, Khrifami thah awk rian tuan ding in Satan nih chiti a thuhmi a si.  Cucaah, Muhammad cu a nupi nih a chung khat nih a dikmi prophet a si tiah an zulh colh.

Cun, Muslim biaknak hi Khrifa ram chuh awk ah Satan nih a dirhmi bu a si zia hi, zeitindah kan hngalh khawh rih ti ahcun, Muhammad a zultu kha an karh vima tikah, an umnak Mecca khua nih an rem ti hna lo i Ethopian ram ah an zam. Ethopian uktu cu Khrifa an rak si. Nain cu ka ahcun, Muhammad a zultu pawl nih cun Quran cauk i pathian kong cu a phuang i, biatak tein an chimh i an karhter tikah Ethipian uktu cu Muslim ah a lut tiah tuanbia ah kan hmuh. Cucaah, Muslim biaknak cu a karh i Khrifa ram cu a chuh thluahmah ko. Vuleicung ah Muslim biaknak in khahter ding hi Satan nih a zuam cuahmahmi cu a si.

Cucaah, bible ca kan relmi kha zoh than usihlaw, Jesuh nih Muslim biaknak a um dingmi le Khrifa pawl hrem le harnak pek kan ton dingmi tiang hi a rak theih chung dih cang caah ralrin awk ah mah bible cacang hi a kan pekmi a si. Jeush nih a zultu hna sinah a chimmi bia cu atu kanmah chan ah kan ton cuahmi hi mi a si cang.  Satan nih Khrifa a thahmi paoh cu vancung ah ngaknu vergin 7 laksawng kan pek  hna lai tiah a hlen hna i an tuanmah mithah, lainawn cu Pathian riantuanah an ruah.

Ulenau hna, Jesuh a chimmi hi zum ko usih! Vulei cung ah a cang cuahmah cang. Satan riantuannak nih a kan det ngai ngai cang. A ceumi culture in a muihnak (darkness) cultural ah Satan nih a kan luhpi te dingmi nicaan cu a nai cuahmah cang. Rapture a um lai i, Rapture hnu ah a um rihmi Khrifa pawl cu hrem kan si ko lai. Cucu, Muslim biaknak hi an si te lai. Zeicatiah, Muslim nih vulei hi uk an i timh. Nuclear power ngeih an i timh. Satan cu a thawng tuk caah, an ngeih khawh caan zong a phan taktak ko lai. Cu tikah, Pathian nih zumtu pawl hrem kan  tuar dingmi a duh lo caah, van ah a kan lak zau te lai i, zumh bang, zumh lo pang tiah lakawh in a ummi zumtu 9 Khrifa) pawl kha tantak kan si te lai i, cu pawl ( Khrifa) cu hrem kan si te lai. Prophecy bia a hngalmi nih cun WW 3 a thawk cang an ti.

Jesuh kan zumhnak ah i biatak cang hna usih! Pathian sinah thlacam usihlaw, a caan kan ngeihmi minute in suimilam caan te hi a hmang zia thiam hna usih! Amen..

Dawt mi cakuat

"Kan i ton ruang ah kan hmuh, kan hmuh ruangah kan duh,

 kan duh ruangah ca kan kuat"

Kan mit aa ton ah khan sau kan zoh ngam lo nan sullam a ngei.Lung kil te in tuar mi ka ngei.Na ngei ve theu lai dah. Ar pulh lio sahngar hraan cu zei san tlai lo a si an ti nan a zuang lio mi va cu chaih nak nawl kan ngai.

Vawi khat kan i tong nan na mui hmai te kha ka mit in a liam kho lo. Dawt mi lung kil ah hun phuang ding law sivai si sual hnga maw? Duh nak cu a mit a caw, thuh khawh si loh an ti bang kei duh nak zong ........

"Duh nak bia zai na tial lo hmanh ah kan hua ti cu tial hlah mu"

bY,,Ttabawi

Ttabawi

Lai Ram Caah Lai Mi

1. Ram le miphun caah thilttha a tuah duh mi.
2. A sining aa theih i mi caah zumh awk tlak a simi.
3. Dinfel nak kha rawl ttam tahal in a hal mi.
4. Pek mi rian ah felte in tlam a tlinh kho mi.
5. A bia kam a let lo mi.
6. Mi cung ah zaangfah nak zawnruah nak a ngeimi.
7. Mah tnhangtthat kawl loin midang thangtthat a thiam mi.
8. Zei rian paoh ah i nautat loin a ttuan zuammi le mi toi ah a dormi.
9. Lih chim le fir a hua mi.
10. Mi nih soiselnak kha a ing i thilhman a hmu kho mi.
11. Midang duh nak a hmu thiam mi.
12. Mah le mah aa tei kho mi.

Ttabawi

Ngaknu

Arim teh lomi ngaknu pakhat

Aa dawh an ti langmang cu ka hna ah a khat cang

Ka hmuh hlan in ka thaw a ip cia

A ka hngalh hlan in a dai mi ka thin lung ah dar a tum cang

Ngaknu sinak nih a ngeih mi rim thla nih a ka ttemttawn cang

A parual ceih ruang ah thinlung ah theih khun in na um

Hmanhseh na rak ka thei loh mu nang nih cun.. Ngaknu

bY,,,,Ttabawi

Ttabawi

Dawt Nak Kawl In

Hi lei cung ah tam pi chuak hna ai minung

Ka thei thlu loh,hi lei cung kong

Khat lei tap na,khat lei nuam na tiin e

Keimah bantuk rak tam pi hna hivawlei minung ah

Dawt nak kawl in khua za ka vai

Nichua leiin Nitlak lei panh in ee...

Hmanhseh ka kheng loh!

Kaitinh dawt nak.....Leng dawh ka ti hlah

Leng ttha ka tum.

bY,,,Ttabawi

Lai mi hmel chunh nak Vapual

Ka rual Thawng Za Lian A si